Ayuntamiento de Odieta / Odietako Udala

JENDAURREKO INFORMAZIOA: “As de guía 4” (1251-CE), “Ballestrinque 4” (1252-CE), “Carraca 4” (1253-CE), “Ballinger 4” (1254-CE), “Carabela 4” (1255-CE), “Margarita 4” (1288-CE) eta “Cote 4” (1289-CE) haize-parkeak, Olaibar, Odieta, Esteribar eta Anueko udal-mugarteetan.

83. ALDIZKARIA – 2025eko apirilaren 29a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA: “As de guía 4” (1251-CE), “Ballestrinque 4” (1252-CE), “Carraca 4” (1253-CE), “Ballinger 4” (1254-CE), “Carabela 4” (1255-CE), “Margarita 4” (1288-CE) eta “Cote 4” (1289-CE) haize-parkeak, Olaibar, Odieta, Esteribar eta Anueko udal-mugarteetan.

Nafarroan haize-parkeak baimentzea arautzen duen maiatzaren 8ko 56/2019 Foru Dekretuaren 7. artikuluak xedatutakoa betetzeko, jendaurrean jartzen dira honako espediente hauek:

–Xedea: aurreproiektuak eta ingurumen inpaktuaren azterketak jendaurrean jartzea, aurretiazko administrazio baimenak lortzeko eta ingurumen inpaktuaren ebaluazio arrunta izapidetzeko.

–Deskribapena: “As de guía 4” (1251-CE), “PE Ballestrinque 4” (1252-CE), “Carraca 4” (1253-CE), “Ballinger 4” (1254-CE), “Carabela 4” (1255-CE), “Margarita 4” (1288-CE) eta “Cote 4” (1289-CE) 4,99 MW-eko haize parkeak, eta haien transformazio eta ebakuazio azpiegiturak, Olaibar, Odieta, Esteribar eta Anueko udal-mugarteetan.

–Eskatzaileak: Enigma Green Power 2 SL (“PE As de guía 4”), Enigma Green Power 4 SL (“PE Ballestrinque 4”), Enigma Green Power 6 SL (“PE Ballinger 4”), Enigma Green Power 8 SL (“PE Carabela 4”), Enigma Green Power 10 SL (“PE Carraca 4”), Enigma Green Power 11 SL (“PE Margarita 4”) eta Enigma Green Power 13 SL (“PE Cote 4”).

–Proiektuak baimentzeko eskumena duen organoa: Energia, Enpresa I+G+b eta Ekintzailetza Zuzendaritza Nagusia.

Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko.

Dokumentazioa esteka hauetan ere aztertzen ahalko da:

https://gobiernoabierto.navarra.es/eu/gardentasuna/jendaurreko-informazioaren-tramitea/espediente-olaibar-1251-1252-1253-1254-1255-1288-1289

Alegazioak, iradokizunak edo oharrak idatziz aurkeztu beharko dira hogeita hamar egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente kodea adierazita.

Iruñean, 2025eko apirilaren 3an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2505168